miércoles, 7 de febrero de 2018

VISITA A EXPONAV

Hoxe 3º e 4º de Primaria visitamos o Museo da Construción Naval, EXPONAV, nas Ferrerías do Arsenal ferrolano...
Ferrerías é un edificio que data so s.XVIII e presenta unha estrutura arquitectónica peculiar coas súas chemineas no exterior e as bóvedas do interior onde os ferreiros facían traballos de fundición e forxa.
O primeiro que atopamos na entrada foi UN PIRATA...

Fernando, o pirata, explicounos por onde está babor, estribor, a proa e a popa dun barco. Tamén explicounos o que é un barco. Parécevos sinxelo? Pois non o é tanto...
Entre tod@s fumos atopando pistas co fin de conseguir un tesouro.
A primeira pista estaba na maqueta dun barco de máis de 2000 anos
A segunda pista atopámola nunha fermosa maqueta do asteleiro, coa grúa de ASTANO, un pequeno estaleiro que comezou como empresa privada e que hoxe, co de Ferrol, forma parte do grupo NAVANTIA...
Aquí fixéronse os barcos máis grandes do mundo realizados en grada. O "Arteaga", tiña unha lonxitude tres veces maior que o edificio de Ferrerías, en 1972 foi todo un espectáculo a botadura deste barco, os xaponeses pensaban que con tanto peso e tanta lonxitude, o barco partiría. Ata contrataron un helicóptero para poder ver dende arriba o desastre. Preto da ponte das Pías, moreas de xente non querían perder a botadura do Arteaga...E non rompeu! Tivo que ser moi emocionante ver como entraba na auga!!!
Aquí tedes o vídeo da botadura no ano 1972...
 Impresionante tamén pareceunos a maqueta do dique seco "Reina Victoria" do Arsenal de Ferrol, construído entre os anos 1909 e 1913...
Nesta foto Fernando explica a función da Cana de Goberno típica do timón dende a ponte. Antigamente tiñan o goberno a man do timón.
O museo está cheo de autómatas interactivos...por exemplo o que permite comprobar a deformación que sofren os barcos coas ondas enormes que as veces hai no mar.


Unha das cousas máis emocionantes desta visita foi imaxinar como se vivía nun barco do século XVIII. O pirata, Fernando, meteunos dentro dunha recreación que ten o museo, tal e como vivían dentro do barco os mariñeiros naquela época....E por fin atopamos o TESOURO!
Xa preto da saída poidemos ver unha escena recreada de como era o día a día dos ferreiros traballando na fundición e forxa ...
De recordo levamos estes preciosos globos...

Aprendimos moito sobre a construción de barcos e sentímonos moi orgullosos de ter na nosa cidade de Ferrol o principal museo dedicado á historia da construción naval e un dos máis completos de Europa na súa temática.
GRAZAS PIRATA FERNANDO POLOS AGASALLOS, POLAS EXPLICACIÓNS TAN INTERESANTES E POR SER TAN BO ATOPANDO TESOUROS PIRATAS!!!






viernes, 2 de febrero de 2018

DÍA DA CANDELORIA

DÍA DA CANDELORIA - 2 FEBREIRO

Pola Candeloria, medio inverno vai fóra










A partir da Candeloria
 ningún ave voa soa

Hoxe é 2 de FEBREIRODÍA DA CANDELORIA, e segundo as tradicións populares galegas, a partir deste día veñen os paxaros para emparellar e criar. 
Nós o quixemos celebrar creando esta fermosa postal pop-up...

Tiñamos previsto ir de marcha esta mañá cara a Malata para participar na carreira solidaria "Quilómetros de solidariedade" pero aplazámola para cando o tempo nolo permita. O que sí fixemos 
foi introducir a nosa pequena aportación na hucha proporcionada pola organización Save the Children...





A próxima semana falaremos do Entroido...xa temos os traxes no tendedeiro preparadiños para levar de paseo o makako máis molón do mundo!!!